బాల భావన శతకము. 25 వ పద్యము. రచన. చింతా రామకృష్ణారావు.

జైశ్రీరామ్.

25) పాఠశాలలోన వ్రాసెడి పని పెంచి  -  చదువ సమయ మీక వ్యధను పెంచ

     చదువు ధ్యాస మాకు చచ్చిపోవును కదా!  -  పెద్దలార! జ్ఞాన వృద్ధులార!

భావము. జ్ఞాన సంపన్నులైన ఓ పెద్దలారా! మాకు బడులలో వ్రాతపనే ఎక్కువగా ఇస్తున్నందువల్ల చదువుకోడానికి తగిన సమయం ఇవ్వటం లేదు. ఈ కారణంగా మాకు చదువుమీద ధ్యాస తగ్గిపోతోందని మీరు ఎందుకు గ్రహించలేకపోతున్నారు?

జైహింద్.