బాల భావన శతకము. 23 వ పద్యము. రచన. చింతా రామకృష్ణారావు.

జైశ్రీరామ్.

23) చదువు చదువనుచును చదువమందురె కాని-చదువ వలయు దాని నెదను కనరు.

     చదువ వలయుదాని చదివించ చదువమా?  -  పెద్దలార! జ్ఞాన వృద్ధులార!

భావము. జ్ఞాన సంపన్నులైన ఓ పెద్దలారా! మమ్మల్ని మీరు అస్తమానూ చదువుకో  చదువుకో అంటూంటారే కాని, మేము చదువ వలసిన దేమిటో, చదువుతున్నదేమిటో పరిగణించరు కదా! మేము ఏది చదవవలసి ఉందో మీరు తెలుసుకొని, దగ్గర కూర్చొని అది చదివించితే మేము చదవమా? మీరు బద్ధకించకుండా మా చదువు విషయంలో వ్యవహరించ వలసి ఉందని మీరు గుర్తించండి.

జైహింద్.