బాల భావన శతకము. 13 వ పద్యము. రచన. చింతా రామకృష్ణారావు.

జైశ్రీరామ్.

13) శ్రవణ పుటములందు చప్పుళ్ళు పడుచుండ  -  చదువుచున్నఁగాని మదికి పోదు.

    చదువుచున్న మాకు సహకరింపరదేల?  -  పెద్దలార! జ్ఞాన వృద్ధులార!

భావము. జ్ఞాన సంపన్నులైన ఓ పెద్దలారా! మేము చదువుకొనే సమయంలో మీరు అవసరమున్నవాటిని గూర్చి, అవసరము లేనివాటిని గూర్చి మాటాడుకొంటూ ఏవేవో చప్పుళ్ళు చేస్తుంటారు. మా ఏకాగ్రతకు భంగం వాటిల్లుతోంది కదా? మాకు మీరు చదువుకొనేటందుకు ఎందుకు సహకరించడం లేదు?

జైహింద్.