బాల భావన శతకము. 14 వ పద్యము. రచన. చింతా రామకృష్ణారావు.

జైశ్రీరామ్.

14) తిట్టుచుంద్రు మమ్ము కొట్టుచు నుందురు    -  పెంచి పెద్ద చేయు పెద్ద మీరు

     మమ్ము మీరు తిట్ట మాటాడ లేముగా!    -  పెద్దలార! జ్ఞాన వృద్ధులార!

భావము. జ్ఞాన సంపన్నులైన ఓ పెద్దలారా! మీరు మమ్మల్ని అవసరంగాను, ఒక్కొక్కప్పుడు అనవసరంగాను కొట్టుతూ తిట్టుతూ ఉంటారు. మమ్మల్ని పోషించి, పెంచే పెద్దవారు మీరు తిట్టితే మిమ్మల్ని మేము ఏమి అనఁగలము చెప్పండి?

జైహింద్.