బాల భావన శతకము. 37 వ పద్యము. రచన. చింతా రామకృష్ణారావు

జైశ్రీరామ్.

37) తమ సుఖంబు కాంచు తమ బిడ్డ సుఖములో  -  తల్లిదండ్రులిలను ధర్మమనుచు.

     కన్న వార లనిన కరుణకు ప్రతి రూపు.  -  పెద్దలార! జ్ఞాన వృద్ధులార!

భావము. జ్ఞాన సంపన్నులైన ఓ పెద్దలారా! తల్లిదండ్రులు తమ యొక్క బిడ్డల సుఖములోనే తమ సుఖమును కూడా చూచుకొందురు. ఇదియే ధర్మమని వారు తలంతురు. భూమిపై అట్టి తల్లిదండ్రులు కరుణకు ప్రతి రూపులే.

జైహింద్.