బాల భావన శతకము. 32 వ పద్యము. రచన. చింతా రామకృష్ణారావు.

జైశ్రీరామ్.

32) తెల్ల కాగితాలు పిల్లల మనసులు  -  మమ్ము పట్టి మీరు మప్పుచుండ

     మంచి చెడులు కనుట మాకెట్లు సాధ్యము?  -  పెద్దలార! జ్ఞాన వృద్ధులార!

భావము. జ్ఞాన సంపన్నులైన ఓ పెద్దలారా! మా మనస్సులు తెల్లకాగితములవలె నిష్కళంకంగా ఉంటాయి. మాకు మీరు మప్పుచున్నవాటిని మేము గ్రహింతుము. వాటిలో ఇది మంచి, ఇది చెడ్డ అని తెలుసుకొనుట మాకు సాధ్యము కాదుకదా? కావున మంచి విషయములే మీరు మాకు నేర్పాలని మేము మీకు గుర్తుచేయనక్కర లేదు కదా?

జైహింద్.