జైశ్రీరామ్.
౧. శ్రీ మేధావు లనన్య సాధ్య సుగుణ శ్రీ జ్ఞాన తేజో నిధుల్,
ప్రేమోద్భాసిత సత్కవీంద్ర
మణులున్, విజ్ఞాన
సంపన్నులున్,,
నా మీదన్ దయఁ జూపు సన్నిహితులున్, నా సోదరీ సోదరుల్,
ప్రేమన్ వందనమాచరింతుఁ
గొనుడీ! ప్రీతిన్
ననున్ గాంచుడీ!
౨. స్వాగతోక్తి గర్భ మత్తేభము. (భావ గోపన చిత్రము)
కరుణోత్పాదుని, జ్ఞాన పూర్ణుని,
త్రిలోక స్వామినా రాఘవున్,
ధరితోత్కార్ముక శోభితున్, బుధ నుతున్,
ద్రై గణ్య వేదాత్మునిన్,
చరితోల్లేఖినమేయ శాంతి కలితున్, సత్ తత్వదున్, సద్ఘృణిన్,
ధరకే యంకితమైన దైవమును, బోధన్ మున్దుగాఁ గొల్చెదన్!
౩. ఆటవెలది త్రిక
గర్భ సీసము.
దుష్ట జనులఁజంపు
దుర్ముఖీ! స్వాగతమ్. – దుర్మద జనపాళీఁ ద్రుంచ రమ్ము.
సజ్జనులను కాచు
సద్భావనను రమ్ము, - గాయకులను కావ కదలి రమ్ము.
సత్యమతులఁ గావ స్తుత్యంబుగా
రమ్ము. – విశ్వ జనులఁ గావ వేగ రమ్ము.
కావ్యతతిని గావ కారుణ్యమున రమ్ము. - సంపద తెలుగింట నింప రమ్ము.
ఆ.వె. సరస సుగుణ గణ్య! నిరపాయవై రమ్ము. - సుజనుల నలరించు శుభద! రమ్ము.
నిరుపమ గుణ ధామ! పరమాత్మవై రమ్ము.
- స్వాగత మిదె గొనుచు వరల రమ్ము.
౪. శా. దుర్మార్గంబులనుండు దుష్ట జనులన్, దుర్మార్గముం ద్రుంచఁగన్,
ధర్మంబున్ నడిపించు సజ్జన తతిన్ ధాత్రిన్
గృపం బెంచఁగన్,
మర్మాత్ముల్ కడ మర్మమున్, మహితులన్ మాన్యత్వమున్ జూపఁగన్,
ధర్మోద్భాసిగ రమ్ము! స్వాగతమిదే్. తత్వార్థ
మేదుర్ముఖీ!
౫. ఉ. దుర్ముఖి నామ మాత్రమున దుర్ముఖి వౌదువొ? సత్య భాస! ఓ
దుర్ముఖి! సత్య సంధులను, దుర్భర జీవ జనాళి వ్రేచు నా
దుర్ముఖపాళి పాలిటనె దుర్ముఖివీవు. నిజంబు.
నీవికన్
దుర్ముఖి నామమున్ మరచి తోడుగనుండుమ
సజ్జనాళికిన్.
౬. చ. వనములు, చందనాది తరు భాసితముల్ భువి, మానవాళి జీ
వనములు, జంతుకోటికిలఁ బ్రాపు,
కవీంద్రులకున్ మనోజ్ఞ భా
వనములు, సన్మునీశ్వర ప్రభావ వివర్ధిత సత్య శాంతి శో
భనములు, కావుమయ్య వనపాళిని. దుర్ముఖి నామ వత్సరా!
౭. చ. కలిత వసంత శోభనల క్రాంతిని వెల్గుచు గణ్యమైన దీ
సులలిత సుందరోజ్వల వసుంధర భారతి. యిట్టి
ధాత్రిపై
మలిన మనస్కులున్, మరియు మానవతా రహితాత్మ దుష్టులున్
వెలయుచునుండిరీవె కని వేల్పులు మెచ్చ నశింపఁజేయుమా!
౮. ఉ. పంట పొలాలనమ్ముకొను వచ్చెడి సొమ్ముకు రైతులాశచే.
నింటను పెంచు ధేనువులనిట్లె
ధనంబునకమ్ముచుండ్రి. నీ
వుంటివి చూడగా నిక మహోద్ధృత భీషణ తీక్ష్ణ
దృష్ఠితో
సుంటలనందరిన్ గదిమి. శోభిలఁ కావుమ ధాత్రి
గోవులన్.
౯. చ. జననిగ జన్మనిచ్చు, సహజన్మను సోదరి ప్రేమజూపు, స
ద్ఘనతర మైత్రి నిల్చు, సహధర్మచరంబున తోడునిల్చు స
ద్గుణవతి స్త్రీ, మహేశ్వరియె. క్రోధముఁ జూపుట కొట్టుచుంట దు
ర్జనులకు నిత్య కృత్యమయె. చంపు దురాత్ముల, స్త్రీలఁ గావుమా!
౧౦. మత్తకోకిల ద్విపద గర్భ సీసము
దేశమున్ గుణ పాళి దీపిత దేవ స - న్నుత దుర్ముఖీ! మానవతను నిలుపు.
ఆశపెంచుమ సన్మహాత్ముల యందునన్ - కని బ్రోవుమా! నీవు కల్పకమయి.
శ్రీశు వేడుమ! చిద్వశీకృత చిత్తజా - ళిని బెంచగా సత్య ఫలముఁ గనఁగ.
క్లేశసంహతి బాపు. క్లిష్టత లేక వ - ర్తిలఁ జేయుమా! సత్సకల విధేయ!
గీ. నిరుపమానంద సామ్రాజ్య నేతవగుమ! - సిరులు వర్ధిల్లఁ జేయుమా! చిద్విశాల.
కవులు కోరెడి మంచిని కలుఁగ జేసి, - దుర్విధానంబు విడనాడి తోడు నిలుమ!
౧౧. మత్తకోకిల ద్విపద గర్భ సీసము
దుర్ముఖీ! దురితంబు దూరము త్రోసి కా - వుమ లోకమున్ జేయుమమలినముఁగ.
మర్మచిత్తుల నెల్ల మంచిగ మార్చి శో - భిలఁ జేయుమా! నీవు ప్రీతితోడ.
దుర్మదాంధుల మాపి తోడ్పడు స్తుత్య! స - ద్వరమీయుమా మాకు వర్ధిలఁగను.
కర్మదూరులఁ గాల్చి ఖ్యాతిని గ్రాలుమా - భువి సద్గతిన్ బ్రోచు పుణ్య చరిత!
గీ. సజ్జనాళికి సత్వర శాంతిఁ జూపి, - సత్కృపాళికి సద్గతి సరళిఁ గూర్చి,
సద్ద్విజాళిని సంస్కార సరణిఁ దేల్చి - మాటనిలఁబెట్టుమయ్య నా మనవి వినుచు.
౧౨. మత్తకోకిల ద్విపద గర్భ సీసము
శ్రీమనోజ్ఞుఁడ! దేవ! శ్రీనరసింహ! దు - ర్ముఖి వచ్చెరా! కూర్చుమఖిల సుగతి.
ధీమతాళిని కాచి తేజము దిద్ది శో - భను కూర్చ రావేర! భాను తేజ!
నామదిన్ గని చూడు నాథుఁడ! నన్నునీ - కృప దేల్చరావేర! క్షితిని నిలుప.
శ్రీమదాంధ్రులనెల్ల చేకొను శ్రీశ! ధ - ర్మము నిల్పరార! క్షేమమునిడంగ.
గీ. సత్య తేజ సుదుర్ముఖిన్ జయములిచ్చి, - జయజయధ్వానములతోడ సభలు వెలుఁగ
ధీ విశాలురు సత్కవుల్ తేజరిలఁగఁ - జేసి కాపాడరా కొల్పి చిత్ర కవిత.
౧౩. సీ. భూదేవి పులకించు పుష్పగుచ్ఛములను - పూసెడి భూజ సింహాసనమయి.
పసిడివన్నెలు చిందు కుసుమాంగనల్ తేనె దెసలెల్ల చింద మేదినిమునుంగ.
కుసుమాస్త్రునకు తోడు కుదిరె వసంతుఁడు, వాసంతి శోభలు వసుధనిండె.
కోకిల పాటలున్, తాకెడి చిఱు గాలి, సెలయేళ్ళ సవ్వళుల్ చిత్తమొత్త,
గీ. కవుల కవితలు ప్రకృతిని గౌరవింప, సహజ దుర్ముఖి పొంగుచు సమ్ముఖుఁడయె.
సుజన పాళికిఁ గూర్చఁగ శోభ లెలమి దుర్ముఖాఖ్యుఁడు సమ్ముఖోద్భర్మమయ్యె.
౧౪. కంద గర్భ గీత యుత సీస గర్భ కంద మాలిక.
స్మర జనకుని వర సచివుని, - స్మరణ వి --నుత మతులును పరమత హితు లగు/టన్
తరళ జగతి గిరి పురజుల - నిరుపమ --దరహసన మహిమ నెరపు సభల/నే
కరి వరద ! నుత జగతి గిరి - పురజుల -- నియతి చరుల వలపు నిరుపమము/నౌన్.
సురుచిరము సుజన శుభదము - పరహిత -- వర రుచిరము నిహ పర వినుతము/నౌన్.
కంద గర్భ గీతము.
జగతి కనుట ఘన మతులను --గగనమగు - నిజము సుగుణులఁ గని కృప నిలుప--నగును.
ప్రగతిఁ గన జనుల నిలుపర! --జగతిగిరి - ప్రతిభ వెలయఁగ జగతిని! వరలఁ –గనుమ.
జైహింద్.
