జైశ్రీరామ్.
తీరు మార తేరుకో!
[షోడస రత్న మాలిక),,.
రచన:-వల్లభవఝల అప్పల నరసింహ మూర్తి,
జుత్తాడ,
1.సీ:- కమలజు సఖి వాణి,--కలకంఠి శ్రీమాత!
కమలములే?గదా!--కమల నిలయ!
మరు మల్లియల ఛాయ!మల్లి కార్జును డిల!
కమల సోదరుడుగా?కలుము లిడగ!
నీలి వర్ణుడు హరి యట?నెలత శ్రీ!కొను నాడు!
రక్త వర్ణు డనుచు?రమణి!మురిసె!
వలఱేడు,నలువయు,వలపు,జన్మల,నీయ!
వారి జాక్షి!సుతు లౌచు!వరలె గాదె?
తే,గీ:-మూల జగతి విభులు!ముగ్గురు నొకట!
మొక్కవోని కీర్తు లలర! మోద మిడగ!
హేమ పూర్ణ ప్రపూర్ణమై! సీమ లలర!
కామిదంబులు గూర్చుత!కలిత! యశత!!
2.సీ:-అవని ద్రోహుల మట్ట!యవతారముల నెత్తి!
పట్టి ధర్మము నిల్ప!వలను పడుచొ?
పలు కష్టములు యిష్ట పడుట!శ్రమయు గదె?
పాప మూలాలవి --చేపు-మిగుల!
స్వార్ధ సంకుచితుల--జన్మ నీయక యున్న!
భవుని ఘనత పెచ్చు!భద్ర మమరు!
జన్మ లెత్తెడు బాధ! చాలించ గోరెదు!
సుర లార!నామొర!--సుంత వినుడి!
తే,గీ:-స్వార్ధ పెంపుకు భుక్తియే?--సర్వ మవగ!
నీతి నిల్వదు!యించుక--నేల యందు!
పోత రించిన వారల --పొంక మణచ!
శివుడు!లయకరు డొక్కడే!చెల్లు నిలకు!!
3.సీ:-కల్ల లెల్లలు దాటె!--కార్ముక వేగాన!
కలికాల యూహలు--కాష్ట మంటె!
నక్కి మెక్కెడి వారె?--నల్దిక్కు లేలంగ!
నరుల కెట్లు గల్గు?--న్యాయ మవని!
అమ్మ విడిచి తేల?--యవనీ తలానను
పెద్దమ్మ నిద్రించె!--పిరికి పడుచు!
చచ్చు దద్దమ్మలే?సర్వం-- స్వహా చేయ!
ప్రాజ్ఞులు భిక్షులై--వరలు గాదె?
తే,గీ:-నీతి లేనట్టి వారలే?--నిగుడు చుండ!
ధర్మ గ్లానియు గల్గదే?--ధాత్రి యంత!
నేర గాముల ప్రాపక--నిష్ట సిద్ధి!
గూర్చ,మానుడి సురలార!--గొల్తు భక్తి!!.
4.సీ:-కుల దన్ను మత దన్ను!-కొలిమి--కుంపటి కాగ!
దన్ను లేని జనుడె?దహన మొందు!
వెల లేని బ్రతుకులు--విలువేర్చె!కులములు!
తలపోయ న్యాయంబు!--దారి తప్పి!
పనికి మాలిన వారు--పట్టు కొమ్మలు కాగ!
ఉనికి విడెను ప్రజ్ఞ--పనికి రాక!
పక్ష వాతము పోయి---ప్రాభవం బొందునా?
పాటు నీతి ప్రభల---బరగు నొక్కొ?
తేగీ:-పంచ భూతము లెల్లను--దంచు చున్న!
సిగ్గు రాదాయె?జగముకు---శివ!మహేశ!
బొగ్గు నైజత!స్వచ్ఛత!---పొందు నెట్లు?
దహన సంస్కారమే?తప్ప--ధాత్రి యందు!!
5.శ్లో:-పైకి తీపి నటన---పనికి మాలిన చేష్ట!
పరహాని కోరెడు---వారు పెచ్చు!
మలిన కర్మల యందు---మహనీయ ప్రాజ్ఞులు!
సుజన తత్వము జూడ---శూన్య మవని!
ధనమె?లోకము నేలు!--తర తరంబులు నేల!
ధనహీను డెవ్వాడు?---ధాత్రి నేలు!
వసు వశి విష భర---వార్ధి లంఘన సేయ!
పవన సుతునికైన---వలను పడదు!
తే,గీ:-ఇట్టి ఘీంకార,హ్రీంకార---జెట్టి జనులు!
ఎట్టు లైనను సరిజేయ!---నెట్టు?లనుచు!
విశ్వ కర్మయు తర్కించి---విసిగి విసిగి!
హరునిపై!భార ముంచెను---యార్తి తోడ!!
6.సీ:-నిగమాలు పగబూని---నీరసంబాయెను!
సరళ సంస్కారంబు---సతికిల బడె!
కదలాడు కల్మషం---కర్మ శోధన జేయ!
వెకిలి చేష్టిత మాయె!---వికట చింత!
కాకులే?హంసలై--కదను ద్రొక్కె!కలిని!
సర్వ సామ్యత నొందె?---సా చరమున!
తర తరాల సుకీర్తి---తట్ట బుట్టలు సర్దె!
అపకీర్తి మూటల---హద్దు మీరె!
తే,గీ:-బుద్ధి సుద్ధులు నెడ మాయె!భూత నాథ!
హద్దు పద్దులు మీరెను---యవని యంత!
కొండ చెలువలు నెటు చూడ---కదలు చుండె!
వారణంబును జేసెడి---వార లెవరు?!
7.సీ;-మిథ్య లోకము నందు---మిట్టి పడు టదేల?
అడ్డు దారి బ్రతుకు---దొడ్డ గాదు!
మెడ్డ నీతిని భూతికి---మేడిపండు సమము!
పొట్ట క్రిములు జన్మ---పూజ్య మౌనె?
ముండ్ల దారి నడువ---ముచ్చ టెంచకు మన్న!
జ్ఞాన శూన్య నడత---చతుర తగునె?
గత వైభవ మిడునె?---గతి నాస్తి!చెడు దోస్తి!
తే,గీ:-గ్రుడ్డి గుఱ్ఱపు తాపున---కొంప లారె!
అడ్డ దిడ్డపు టూహల---యవని మాసె!
పురిటి సంధయె?స్వేచ్ఛ---భుక్తి కోరి!
నడుము కట్టుము కీర్తి---చెరగ నీక!!
8.సీ:-బోడి తలకు జుట్టు---పుట్టదే నాటికి!
పోకిరి వాడిల---పూజ్యు డగునె?
పాసైన యన్నము---పదునుకు వచ్చునా?
పాపి మూకల తీరు--పరము గనునె?
పాపుల హింసింప---వలను పడని స్వేచ్ఛ!
యున్నను లేకున్న---యొకటె?గాదె!
సిగ్గు నెగ్గును లేని---జీవ పోరాటంబు!
స్వాంత మిడుట కల్ల---జగమ దంతె!
తే,గీ:- ఒడి దుడుకుల జీవ మిదియె!---యొంగి నడువు!
మనసు విరిగిన యతుకదు---మసలు మంచి!
సమత శ్రేయపు దారిని---సరగ నిమ్ము!
కుల వివక్షత సరిగాదు!---కూలు ప్రగతి!!
9.సీ:-అక్షయ తూణీర---అమ్ముల పొది యిది!
వీస మెత్తు పగకు---వెలికి తరుము!
తగు నర్హతయు లేని---తప్పుడు మూకల!
తగునంచు పైకెత్త---తప్పు గాదె?
ఒప్పైన వారల---కొప్పైన జీవంబు!
నీటి మూటయు గాదె?---నీతి లేమి!
ఆర్ధిక లేమది?---యంద నీదు పదవి!
పదవి జూదము గాని---బ్రతుకు లేదు!
తే,గీ:-బ్రతుకు జనుల భవిత లెల్ల---పాడు సేయ!
కుంటి భవితను తీర్చు లే!---కొంటి తనము!
అంట బోకుమి దుశ్చింత---హద్దు మీరి!
ప్రొద్దు లన్నియు నొకతీరు---పోవు సుమ్మ!!
10.సీ:-భద్రాణి,రుద్రాణి---క్షుద్రార్తి బోనాడి
శూలినీ!దుర్గాంబు---శోభిద మయి!
రక్ష,దక్షలు గూర్చు---రౌద్రాణి!భీమజ!
కష్టాలు బాపెడి---కలికి గొలువ!
ఆయురారోగ్యాల---యవని బ్రోచెడి మాత!
ఆది పరాశక్తి---హర్ష దాయి!
శ్రీ లు,విద్యలు నిచ్చి---మేలు నడత గూర్చి,
జీవ కారుణ్యత---జెలగు మాత!
తే,గీ:-నిత్య మారాధ్య దైవమై---నిండు తల్లి!
తల్లులకు తల్లి దుర్గమ్మ---తత్వ ధృష్టి!
ధరణి రక్షణ సేయంగ---తరలి వచ్చె!
గొల్వ రా రండు జనులార---చెల్వ మమర!!
11.సీ;-దానంబు!ధర్మంబు--దగ నొప్ప సేయగా!
కలికాట కాటకం---కలుగ నీదు!
నిత్య నైమిత్తిక--- స్తుత్యమౌ జగతిది!
నీతి ధర్మము లంటి---నెగడు చుండు!
స్వార్ధంపు ధర్మాన్ని---సాక నీదు!పుడమి!
వ్యర్థత నర్థతై---పాడు గూర్చి!
తెలిసి జేసెడి తప్పు---దిగులుకు మూలమౌ!
తెలిసి మసల రేల?---తిక్క బుద్ధి!
తే,గీ:-రేపు నెరుగని జీవుడా-!--రెచ్చి పోక!
చాక చక్యము జూపించి---చతుర మతిని!
బ్రతికి,బ్రతికించు-పరులను---పరమ నిష్ట!
తుష్టి యది యగు. జన్మకు---నిష్ట సిద్ధి!!
12.సీ:-పెద్ద పిన్న తరము---పెకిలించి వైచుచు!
నిచ్ఛ వచ్చి నటుల---పెచ్చు పోక!
పెద్ద లనుభవంబు---శుద్ధితో!గ్రహియించి!
ప్రగతి బాటను వేయ---బరగు సుఖము!
తుచ్ఛుల సలహాలు---మచ్చ జీవిత మేర్చు!
మంచి చెడ్డల యూహ---మాన బోకు!
క్షరము గానిది విద్య---క్షుర కర్మ సేయక!
దక్షత జేకూర్చు---ధర్మ నిరతి!
తే,గీ;-విద్య,వైద్యములందు---విషపు తెల్వి!
రాజకీయంబు జొప్పిన--రాలు భవిత!
భవిత శూన్యము గావించు---పద్ధ తేల?
కలిత సుకుమార కౌసల---కలిని దీర్చు!!
13.సీ:-అన్ని రంగము లందును---పొన్ను నే! నంచును!
అంతర్గ తాన్యాయ---చింత లేల?
తన్ని యీడ్చెటి రీతి---మిన్న!నెన్నగ నీక!
మాయ జాలంబేల?మంచి కోరు!
వ్యాపార ధోరణి---పరగె లోకము తీరు!
బావి బాగు పడునె?---భర్గ!గనవె?
నీతి ధర్మ యుతులు---నేతలై వర్తిల!
జగదోప కారమౌ!---జాతి మెఱుగు!
తే,గీ:-మాయ మాంత్రిక లోకము---మాయ విడుచొ?
సత్య మన్నది!సర్వత్ర---నిత్య నిరతి!
భక్తి భావంబు జేకూర్చి---భవిత దీర్చు!
సామ్య మానాడె?గన్పట్టు---స దమలతను!!
14.సీ:-వినుటకు చెవు లిచ్చె--కనుటకు కండ్లిచ్చె!
మాటాడ నోరిచ్చె--మనుజ తతికి!
మంచి చెడుల యూహ---మదినిండు గూర్చెను!
దానమీయను!కేలు---దగ నొసంగె!
మమత సమత లవి---మహి జీవ తతి కేర్చె!
మాయ మాంత్రిక ధృష్టి---మనిషి కిచ్చె!
మాయ జాలంబది---మది నంట నీయక!
మహిత సుగుణ సాంద్ర---మన్న వోయి!
తే,గీ:-రక్త,మాంస మిళితమౌ!---శుష్క తనువు!
ఎందు కారాట పడెదవు---యిహము మిథ్య!
మట్టి గలిసెడి దేహము---మాయ సుమ్మి!
చేసి మంచిని జీవించు---చిన్మయ మదె!
15.సీ:-వర లనాహత చక్ర---వర్ధిష్ణు జీవంబు!
శ్వాస సంభరితమై---సాగు చుండు!
శ్వాస యాగెడు రోజు--సాయంబు రా రేరు?
పాప పుణ్యము తప్ప--భ్రమిత జీవ!
తాత తండ్రుల కీర్తి--తర తరాలు నిలిపి!
ధన్య జీవివి గమ్ము---ధర్మ నిరతి!
బింకంబు సడలిన---పొంకంబు గమియించు!
దరిజేర రెవ్వరు?---నెరిగి మసలు!
తే,గీ:-దీన స్థితి గనె దొంటరై--దిక్కు మాలి!
మనుము నిపుడైన నీతితో?మనిషి వయ్యు!
జవము జారును రాదిక---చావు తప్ప!
మిట్టి పాటును విడనాడి---మెలుగు నీతి!!
16.సీ:-నర జన్మ నెత్తుట---నధిక సంపన్నంబు!
జన్మ సార్ధక మగు--సత్య నిష్ట!
పెరుగు కొలది శక్తి--విచ్ఛిన్న మగు చుండు!
భిన్న సంస్కృతి తప్పు--ప్రీతి మాపు!
నిండు నూరేండ్లవి---యెంద మావులు జేయ!
యమ ప్రోలు చేరెదు---భములు పడెదు!
కయ్యంబు నెయ్యమౌ---నెయ్యంబు!కయ్యమౌ!
కని ప్రజ్ఞ మన్నుమా?వినుచు మంచి!
తే,గీ:-మనల నడుపు శక్తి పరమని---తెలియుమ!
మేలు మరువ వలద వని---మేటి జ్ఞాని!
తృప్తి జీవన!జేయుమి!యాప్త మిత్ర!
చిత్ర వైచిత్ర్యములు మాని!---క్షేమముగను!!
జైహింద్.
