పద్య విపంచి

Wednesday, April 6, 2016

అక్షర దోషములు - శ్రీ ఓరుగంటి రాజ రాజేశ్వరీ ప్రసాద్.వివరణము.

జైశ్రీరామ్.

జైహింద్.

బళ్లారి. జోళదరాశిలో అష్టావధానము. అవధాని డా. మాడుగుల అనిల్ కుమార్.

జైశ్రీరామ్

అష్టావధానము

స్థలం : జోళదరాశి, బళ్లారి.

తేది : 03/04/2016 సమయం : సాయంత్రం 6.00 గంటలకు

సంచాలకులు : త్రిభాషావధాని డా.జోస్యుల సదానందశాస్త్రి గారు

అధ్యక్షులు : శ్రీమాన్ చింతా రామకృష్ణారావు గారు

అవధాని : అవధానరత్న డాక్టర్ మాడుగుల అనిల్ కుమార్

అవధానానికి ముందు చెప్పిన పద్యాలు
శ్రీ గుత్తి నారాయణ రెడ్డి సాహితీ పీఠంవ్యవస్థాపకాధ్యక్షులు
శ్రీ గుత్తి చంద్రశేఖరరెడ్డి గారి గురించి :
ఆయత దానధర్మములకాస్పదులై జనులెల్ల మెచ్చగా
స్వీయ యశమ్ము శాశ్వతము వెల్గగ శ్రీయుత చంద్రశేఖరుం
డీ యజనమ్ముఁ దల్చుచునభీప్సిత సాహితి పీఠమేర్పడం
జేయ కళాసరస్వతి వసింపగగల్గె ధరిత్రి గుత్తి నా
రాయణ రెడ్డి పుత్రుడని ప్రాజ్ఞుడటంచు నమస్కరించెదన్.
సంచాలకులు శ్రీ సదానంద శాస్త్రి గారిని గురించి :
అనవద్యంబగు సంస్కృతాంధ్రములయందష్టావధానక్రియన్
ఘనసత్కారములందియున్ ప్రవిలసత్ కర్ణాటభాషన్ఒగిం
జనునట్లున్ యవధానమున్ నిలిపె తానై శ్రీ సదానందశా
స్త్రిని సంచాలకు సన్నుతింతు మది యాశీర్వాదముల్ గోరుచున్.
ముఖ్య అతిథి శ్రీ కృష్ణదేవరాయలు గురించి :
శ్రీమాన్యంబగు ఆరవీటి కులవార్ధిన్ చంద్రుడై ధాత్రిలో
ప్రేమస్వాంతుడునై ఉదారమతియై విద్వత్సభాధ్యక్షులై
ధీమంతుండగు కృష్ణరాయలలరన్ తేజోయశోపేతులై
నేమంబొప్ప నమస్కరింతునితనిన్ నిశ్శ్రేయసమ్మొందగన్.
అవధాన ప్రారంభము :
1.నిషిద్ధాక్షరి :
గిరిజా కళ్యాణం :
శ్రీ వాక్కైయుండుదువో
నీవే నిన్ భద్రుతోనె నేనెంతున్ భో
కావించెద కళ్యాణము
భావింపుము నాదు శుభము భవ్యా గౌరీ!
2.దత్తపది :
శ్రీ కృష్ణునికి ఇప్పుడు సభలో ముఖ్య అతిథిగా ఉన్న శ్రీ కృష్ణదేవరాయలుకు ఉన్న సామ్య,భేదములను
కల్లు, బీరు, సార,రమ్ము అనే పదాలతో చంపకమాలలోవర్ణించాలి.
తరుణికి రాధకల్లుడయి తాఁ మురిపించుచు నాడు కృష్ణుడే
వెరవక బీరులెల్లరల పీచమడంచుచు రుక్మిణిన్ గొనెన్
మరుసటిజన్మ వీరలిట మాన్యులునై మనసార మెచ్చగా
పరిణయమాడిరేకయగు పత్నిని రమ్మని కృష్ణరాయలే.
3. సమస్య :
దీర్ఘ సుమంగళీయనుచు దీవెనలిచ్చిరి భర్తృహీనకున్ .
దీర్ఘముగాకపోవునొకొ ? ధీరులు మెచ్చుచు దీవెనివ్వరే
దీర్ఘ సుమంగళీయనుచు దీవెనలిచ్చిరి భర్తృహీనకున్
ఘుర్ఘురులెన్ననేల? తరిగొండను వంశజ వేంగమాంబకున్
వార్ఘనులైనవారెగద ! పాయదదెప్పుడు పండితోత్తమా !
4.వర్ణన :
మేమిచ్చిన అంశాలకు మీరు చెప్పిన పద్యాలను మెచ్చుకొని
మేఘుడు వర్షించినట్లు వర్ణించాలి.
పృచ్ఛకోత్తములెల్లరు వేడ్కమీర
ప్రశ్న వేయంగ నాదైన పాండితిగని
పుష్ప వర్షంబుగురిపించెపో ఘనుండు
వసుధ పండితులెల్ల శెభాషనంగ.
5.ఆశువులు :
1.గుత్తి నారాయణ రెడ్డి ఏర్పాటు చేసిన సాహితీ పీఠాన్ని
చంద్రశేఖరరెడ్ఢి గారు వృద్ధిలోకి తెస్తున్నారని వర్ణించాలి.
గుత్తి నారాయణుడు తానుగోరుకొనుచు
సాహితీపీఠముంగూర్చె మోహనముగ
చంద్రశేఖరరెడ్డియు సాదరముగ
పెంచిపోషించె పండితుల్ భేషనంగ.
2. శ్రీ రామేశాంజనేయ స్వామిని స్తుతిస్తూ పద్యం చెప్పాలి.
శ్రీరామున్ జనకాత్మజాహృదయనీరేజాతమార్తాండు, దు
ర్వారప్రోత్థిత రావణాద్యసుర క్రూరవ్రాత సంహారు, శ్రీ
మారుత్యాది సమస్తభక్త వరదున్ మందస్మితాస్యున్ సదా
శ్రీ రామేశహనూమతాలయ నివాసింగొల్తునిష్టాప్తికై.
6.వ్యస్తాక్షరి :
పూర్ణస్య పూర్ణమాదాయ పూర్ణమేవావశిష్యతే.
7. పుష్ప గణనం: 12
8.అప్రస్తుత ప్రసంగము
అవధానానంతరం కృతజ్ఞతలు తెలియజేస్తూ -------
జోళదరాశి గ్రామమున సూరిజనుల్ అవధాన కార్య స
మ్మేళనమాదరమ్ముగజుమీ జరిపించిరి, శ్రీ సరస్వతీ
కాళికలక్ష్మి మువ్వురును ఖాయముగా జయమందజేసిరే
పాలునుఁ బంచుకొండనుచు పల్కెద మీకిదె ధన్యవాదముల్.
దీనితో అవధానం మంగళాంతమైంది.
ఇంత అద్భుతంగా అవధాన ప్రతిభాపాటవాలను కనబరచి ప్రేక్షకులను రంజింపఁ జేసిన డా.మాడుగుల అనిల్ కుమార్ గారిని మనసారా అభినందిస్తున్నాను. ఇంత చక్కటి కార్యక్రమమును నిర్వహించిన గుత్తి వంశజులైన శ్రీ చంద్రశేఖరరెడ్డిగారిని మనసారా అభినందిస్తున్నాను. అత్యంత నైపుణ్యముతో కార్యక్రమమును రక్తికట్టించిన సంచాలకులవారికి నా నమోవాకములు.

జైహింద్.

Tuesday, April 5, 2016

చందానగర్లో జరిగిన డా.మలుగ అంజయ్య అష్టావధానము.

జైశ్రీరామ్.

ఆర్యులారా! చందానగర్లో శ్రీ వేంకటేశ్వర స్వామి వారి పాద సన్నిధిలో తే.౦౫-౪-౨౦౧౬ న
సాయంత్రం ౬ గంటలనుండి:౩౦ నిమిషముల వరకు

అవధానరత్న డా.మలుగ అంజయ్య శతావధానిగారి
అష్టావధానము

జనరంజకముగా జరిగింది.

సంచాలకులు: శ్రీ చింతా రామ కృష్ణా రావు.

౧. ఆశువు: శ్రీ ప్రభాకరరావు.
విషయము:
దైవభక్తుఁడు ప్రసాదం తిని అరటి తొక్కను మార్గమధ్యమున పడవేయగా రక్షకభటుడు శిక్షించుట.
పూరణ:
ఏడు కొండల వెంకన్న యిక్కడున్న - రక్ష. రక్షక భటులకు, రాజ్యములకు,
మోడువారిన భారతిన్ మోడి వచ్చి, - స్వచ్ఛమని చెప్ప వినవేమి సాధుశీలి.
౨. దత్తపది: శ్రీ మాచవోలు శ్రీధర్రావు.
విషయము:
నయనతార - తమన్నా - సమంతా - కాజల్. పదములుపయోగించి ఉగాది వర్ణన.
పూరణ:
నయన తారల మెప్పించు వయన మిదియె. - ధర తమన్నది తప్పుగా తలచి చూడ
వింతకాఁ జల్లులిలపైన శాంతిఁ గూర్చు - దోసమంతయు తీర్చుమా దుర్ముఖమ్మ.
౩. సమస్య: శ్రీ అన్నపరెడ్డి సత్యనారాయణరెడ్డి.
కొట్టెడు పతిఁ గోరుచుండు కోమలి యెపుడున్.
పూరణ:
తిట్టక యడిగినవన్నిటి - నట్టే తామందఁ జేసి హాయిని కూర్చే
గట్టిగ తనతోఁ దగ యూ - కొట్టెడు పతిఁ గోరుచుండు కోమలి యెపుడున్.
౪. వర్ణన: శ్రీ శివరాత్రి యాదగిరి.
విషయము: నిర్వీర్యమౌతున్న పల్లెలు దుస్థితి.
పూరణ:
యువకులు భవితకై యూరూరు వెడలుచు - నగరముల్ చెరుచు నవ్యమనిరి.
నదులెల్ల యది కాంచి ముదమును వీడంగ - పచ్చని పైరులు బాధ పడెను.
యిల్లిల్లు సెల్లులు వెల్లువై ప్రభవిల్ల - పక్షి జాతులవెల్ల పయన మయెను.
గో జాతి తమ గోడు నేజాతికిం జెప్ప - ఫలమేమి యని చెప్పి పయనమయెను.
యెవరు నాకున్నారు? యేమయ్యె నాపల్లె - లని వృక్షములు కూడ యవని వీడె.
చల్ల చల్లని పల్లెలు సవురు తప్పి - గోడు గోడంచు యీనాడు గోల సేయ
జాన పదులెల్ల కవితలు సాగి పాడ - తల్లి పల్లెను కాపాడ అరలి రండి.
౫. నిషిద్ధాక్షరి: శ్రీ వాడ్రేవు వేంకట సత్యప్రసాద్.ఆంజనేయుని సముద్ర లఘనము.
పూరణ:
వాయువునందే నిత్యం - పాయకనింగిన్ సరసర ప్రాకియు దూకెన్.
వాయువునందను వార్ధిని - వ్రాయగ రామాయణంబు రంజులునందున్.
౬. ఛందోభాషణ: శ్రీ ఘట్టి కృష్ణమూర్తి.
శ్రీ ఘట్టివారు చేసిన ఛందోభాషణమునకు దీటుగా అవధాని ప్రత్యుత్తరం ఇచ్చి అందరి హృదయాలలోను అత్యున్నతంగా నిలుచుట ముదావహం.
౭. అప్రస్తుత ప్రసంగము: శ్రీ కే.యల్. కామేశ్వరరావు.
శ్రీ కే.యల్.కామేశ్వర రావు గారి చెణుకులకు బెణకక అప్రస్తుతాన్ని కూడా ప్రస్తుతానికి అన్వయిస్తూ అసాధారణ ప్రతిభా పాటవాలను ప్రదర్శించారు మన అవధాని.
౮. వార గణనము: శ్రీ మంగిపూడి వేంకటరమణమూర్త భాగవతార్.
అడిగిన తేదీలు అవధాని చెప్పిన వారములు.
31-12-2016 - శనివారము.
16-01-2016 - శనివారము.
24- 5-2016 - మంగళవారము.
26-10-2016 - బుధవారము.
ఒక్కతేదీకి కూడా వారం చెప్పడంలో తప్పన్నది దొర్లకపోవడం అవధాని యొక్క అవధాన పాటవానికి నిదర్శనం.
ఈ సందర్భంగా అవధానంలో పాల్గొనిన పృచ్ఛకులు తమ స్థాయిని ఏమాత్రం దిగజారనీయకుండా ఆత్మవిశ్వాసంతోప్రశ్నించి, సమాధానం కూడా సభారంజకంగా రాబట్టడంలో కృతకృత్యులయినందుకు వారినందరినీ మనసారా అభినందిస్తున్నాను. కృతకృత్యులైన అవధానిని కూడా మనసారా అభినందిస్తూ ఇంకా ఇంకా ఎన్నో, ఎన్నెన్నో అవధానాలలో ప్రజా హృదయాలను దోచుకొంటూ, తెలుగు తల్లి కీర్తిని దిగంతాలకు వ్యాపింప చేయగలగాలని మనసారా కోరుకొంటున్నాను.
ఈ కార్యక్రమాన్ని ఇంత అద్భుతంగా జరిగే విధంగా ఏర్పాటులొనరించిన చందానగర్ శ్రీ వేంకటేశ్వరదేవస్థాన కమిటీకి, శ్రీమాన్ టీ. రామస్వామి యాదవ్ గారికి కృతజ్ఞతలు మనసారా తెలియఁ జేసుకొంటున్నాను.

జయంతి తే సుకృతినో రస సిద్ధాః కవీశ్వరాః.

జైహింద్.

తేది : 03/04/2016: సాయంత్రం 6.00 గంటలకు జరిగిన అష్టావధానము.

జైశ్రీరామ్.

అష్టావధానము

అవధాని : అవధానిరత్న డాక్టర్ మాడుగుల అనిల్ కుమార్

స్థలం : జోళదరాశి, బళ్లారి. సంచాలకులు : త్రిభాషావధాని డా.జోస్యుల సదానందశాస్త్రి గారు
తేది : 03/04/2016
సమయం : సాయంత్రం 6.00 గంటలకు

1.నిషిద్ధాక్షరి :

గిరిజా కళ్యాణం :

శ్రీ వాక్కైయుండుదువో

నీవే నిన్ భద్రుతోనె నేనెంతున్ భో !

కావించెద కళ్యాణము

భావింపుము నాదు శుభము భవ్యా గౌరీ!

2.దత్తపది : కల్లు, బీరు, సార, రమ్ము అనే పదాలతో చంపకమాలలో శ్రీ కృష్ణునికి ఇప్పుడు సభలో ముఖ్య అతిథిగా ఉన్న శ్రీ కృష్ణదేవరాయలుకు ఉన్న భేదమును వర్ణించాలి.

తరుణికి రాధకల్లుడయి తాఁ మురిపించుచు నాడు కృష్ణుడే

వెరవక బీరులెల్లరల పీచమడంచుచు రుక్మిణిన్ గొనెన్

మరుసటిజన్మ వీరలిట మాన్యులునై మనసార మెచ్చగా

పరిణయమాడిరేకయగు పత్నిని రమ్మని కృష్ణరాయలే ||

3. సమస్య :

దీర్ఘ సుమంగళీయనుచు దీవెనలిచ్చిరి భర్తృహీనకున్ II

దీర్ఘముగాకపోవునొకొ ? ధీరులు మెచ్చుచు దీవెనివ్వరే

దీర్ఘ సుమంగళీయనుచు దీవెనలిచ్చిరి భర్తృహీనకున్

ఘుర్ఘురులెన్ననేల? తరిగొండను వంశజ వేంగమాంబకున్

వార్ఘనులైనవారెగద ! పాయదదెప్పుడు పండితోత్తమా !

4.వర్ణన : మేమిచ్చిన అంశాలకు మీరు చెప్పిన పద్యాలను మెచ్చుకొని మేఘుడు వర్షించినట్లు వర్ణించాలి.

పృచ్ఛకోత్తములెల్లరు వేడ్కమీర

ప్రశ్న వేయంగ నాదైన పాండితిగని

పుష్ప వర్షంబుగురిపించెపో ఘనుండు

వసుధ పండితులెల్ల శెభాషనంగ.

5.ఆశువులు :

1.గుత్తి నారాయణ రెడ్డి ఏర్పాటు చేసిన సాహితీ పీఠాన్ని చంద్రశేఖరరెడ్ఢి గారు వృద్ధిలోకి తెస్తున్నారని వర్ణించాలి.

గుత్తి నారాయణుడు తానుగోరుకొనుచు

సాహితీపీఠముంగూర్చె మోహనముగ

చంద్రశేఖరరెడ్డియు సాదరముగ

పెంచిపోషించె పండితుల్ భేషనంగ.

2. శ్రీ రామేశాంజనేయ స్వామిని స్తుతిస్తూ పద్యం చెప్పాలి.

శ్రీరామున్ జనకాత్మజాహృదయనీరేజాతమార్తాండు, దు

ర్వారప్రోత్థిత రావణాద్యసుర క్రూరవ్రాత సంహారు, శ్రీ

మారుత్యాది సమస్తభక్త వరదున్ మందస్మితాస్యున్ సదా

శ్రీ రామేశహనూమతాలయ నివాసింగొల్తునిష్టాప్తికై ||

6.వ్యస్తాక్షరి :

పూర్ణస్య పూర్ణమాదాయ పూర్ణమేవావశిష్యతే ||

7. పుష్ప గణనం: 12

8.అప్రస్తుత ప్రసంగము.

జైహింద్.

Sunday, April 3, 2016

కవి శ్రీ మాచవోలు శ్రీధరరావుగారికి సత్కారము.

జైశ్రీరామ్.

కవి శ్రీమాచవోలు శ్రీధర్ గారికి జగద్గిరి గుట్టలో శ్రీ చైతన్య కళానికేతన్ సాహితీ సంస్థ శ్రీ దుర్ముఖి ఉగాది సందర్భముగా నిర్వహించిన కవి సమ్మేళనములో జరిపిన సన్మాన ఛాయా చిత్రము.

శ్రీధర రావుగారికి అభినందనలు.

కళానికేతన్ అధ్యక్షులు శ్రీ శివరాత్రి యాదగిరి గారికి అభినందన పూర్వక ధన్యవాదములు.

జైహింద్.

Saturday, April 2, 2016

అందరికీ ఆహ్వానం. మద్రాసు విశ్వ విద్యాలయము.

జైశ్రీరామ్.

జైహింద్.

Friday, April 1, 2016

అష్టావధానమకు ఆహ్వానము.

జైశ్రీరామ్.
ఆహ్వానము.

సాహితీసమితి మరియు ఫ్రెండ్స్ వెల్ఫేర్ అసోసియేషన్, శేరిలింగంపల్లి సంస్థల సంయుక్త ఆధ్వర్యంలో స్వస్తిశ్రీ చాంద్రమాన దుర్ముఖి నామ సంవత్సర ఉగాది సందర్భముగా నిర్వహించు

అష్టావధానము.

అవధాని .. .. అవధానరత్న డా. మలుగ అంజయ్య శతావధాని.

తేది. 05 - 4 - 2016. మంగళవారం. సాయంత్రం 5 గంటలకు.

వేదిక. శ్రీ వేంకటేశ్వర స్వామి దేవాలయం., చందానగర్.

ప్రారంభ సమావేశం.

అధ్యక్షులు ; శ్రీమూగల ప్రతాప రెడ్డి గారు. సాహితీసమితి గౌరవాధ్యక్షులు.

ప్రారంభకులు : శ్రీమతి డా.శరజ్జ్యోత్స్నారాణి గారు. ఆచార్యులు ; కేంద్రీయ విశ్వవిద్యాలయము, హైదరాబాదు.

ముఖ్య అతిథి ; శ్రీ తమ్మినేని అన్నిరాజు గారు.

గౌరవ అతిథులు ; శ్రీ ఎన్.అశోక్ కుమార్.

శ్రీ గొట్టుముక్కల బ్రహ్మానందం గారు,

డా. శ్రీ చంద్రభూషణ్ గారు.

శ్రీ అత్తెల్లి వీరకాంతం గారు. సాహితీ సమితి అధ్యక్షులు. రంగారెడ్డి జిల్లా

శ్రీ రాపోలు విశ్వాసరెడ్డి గారు. సాహితీసమితి అధ్యక్షులు.శేరిలింగంపల్లి(మం)

ప్రార్థన. : శ్రీ కడియాల ప్రభాకర్ గారు. ప్రముఖ ఆధ్యాత్మికవేత్త.

సంయోజకులు ; శ్రీ తాడిబోయిన రామస్వామి యాదవ్.అవధానరత్న డా.మలుగ అంజయ్య

శతావధానిగారి

అష్టావధానము

సంచాలకులు ; శ్రీ చింతా రామ కృష్ణా రావు గారు.

ఆశువు : ప్రొ. శర్మ గారు

దత్తపది ; శ్రీ శ్రీధర్ గారు.

సమస్య ; శ్రీ చిక్కా రామదాసు గారు.

వర్ణన : శ్రీ శివరాత్రి యాదగిరి గారు.

నిషిద్ధాక్షరి : శ్రీ వాడ్రేవు సత్యప్రసాద్, గారు .

ఛందోభాషణ : శ్రీ ఘట్టి కృష్ణమూర్తి గారు.

అప్రస్తుత ప్రసంగము ; శ్రీ కామేశ్వరరావు గారు.

వార గణనము ; శ్రీ మంగిపూడి వేంకటరమణమూర్త

సహృదయ సాహితీ ప్రియులందరూముందుగావిచ్చేసి, ఈ అవధాన కార్యక్రమమునపాల్గొని,

భావితరాలకు అందించాలని హృదయ పూర్వకంగా ఆహ్వానిస్తున్నాము.

కన్వీనర్, తాడిబోయిన రామస్వామియాదవ్, 9440053859

కార్యదర్శిఎం.రామమోహన్ రావు 9866605378 జైహింద్.