శ్రీరస్తు శుభమస్తు అవిఘ్నమస్తు.
బ్రహ్మశ్రీ కట్టమూరి చంద్రశేఖరావధాని గారు షష్ట్యబ్ది లో ప్రవేశించిన సందర్భముగా సమర్పించుచున్న
అభినందన మందార మాల.
సమర్పణ:- చింతా రామ కృష్ణా రావు.
శా:- శ్రీ కల్యాణ మనోజ్ఞ భావ నిలయా! శ్రీ జ్ఞాన తేజో నిధీ!
లోకుల్ మెచ్చెడి చంద్ర శేఖర కవీ! శ్లోకాస్పదా! మిత్రమా!
నీకున్ షష్టి "సుపాండితీ గరిమచే" నిండారగా చేరె. సీ
తా కల్యాణియు రామ చంద్రుడు నినున్ ధాత్రిన్ సదా కాచుతన్. 1
ఉ:- శ్రీ రఘురామ భక్త! శశి శేఖర! మేలుగ గాంచినారు, నిన్,
ధీరుని, సత్కవీశ్వరుని, దివ్య వధాన మహన్నిధానమున్
కోరిక తీర పుత్రునిగ కొండల రావును సుబ్బ లక్ష్మియున్.
మేరు సుధీర! నీ కవిత మెచ్చెద రెన్నుచు సత్కవీశులున్. 2
ఉ:- సుందర భావ బంధుర సుశోభిత సత్కవితా మతల్లికా
చందన నందనంబది ప్రశాంత కులంబగు కట్టమూరి! యా
నందనమందు బుట్టిన సనాతన సద్గుణ రాశి వీవు. ని
న్నందరు మెచ్చుటబ్బురమె? మహా కవి శేఖర! చంద్ర శేఖరా! 3
చ:- స్తుతమతి! సుప్రసిద్ధ గుణ శోభల వెల్గెడి సత్కవీశ్వరా!
అతులిత సద్వధానము లనంత మహత్కవితాభిరామ సం
స్తుతములు కాగ చేసితివి. తోయజ సంభవు రాణి బంధువా!
శ్రితజన హృద్విహార! శశిశేఖర! సత్కవితా ప్రభాకరా! 4.
చ:- చదువుల తల్లి బంధువయి చక్కగ సంస్కృతమాంధ్ర భాషయున్
చదివి, మహత్కవిత్వ ఫలసాయము లందగ చేసితీవు. నీ
మధుర వచో విలాసములు మాన్యతఁ గొల్పగ నీకు, నీవు సద్
బుధవరులెల్ల మెచ్చు గతి పూజ్యుఁడ! సత్ కవివై రహించితే! 5.
ర్మరతుడవై మహత్ కవన మర్మమెఱింగి ప్రగాఢమైన శ్రీ
కర వర భావనా రుచిర కావ్య రహస్య నిరూపివైతి వ
బ్బుర మదియే కదా! దివిజ పూజ్యుఁడ! నిన్ వినుతింప లేనుగా! 6.
దరి జన్మకు కారకుండ! ధర్మరతుడవై
వర భావనా రుచిర కా
వ్య రహస్య నిరూపివైతి వబ్బుర మదియే!
గీ:- కవిత సుందరి జన్మకు కారకుండ!
కవన మర్మమెఱింగి ప్రగాఢమైన
రుచిర కావ్య రహస్య నిరూపివైతి!
దివిజ పూజ్యుఁడ! నిన్ వినుతింప లేను!
వరలఁ జేతువు శ్రీకర భక్తి శోభ
లక్ష్యమున గల శ్రీ శుభలక్షణాల
యుక్తి నెఱిగిన శ్రీ వర భక్తి భాగ్య!
వరలఁ జేయుమ! భక్తుల భాగ్యమీవ. 7
నక్షత్ర బంధ కందము:- ( సుకవి వర - శ్రీ శశి ధర )
సుజన వశ! శశి శిఖరుఁడా!
విజయాంబుధ! సుందర! సదభిరమణుఁడా!
నిజ శత భూమిక కని శ
శిజయధరుఁడన వలయునుర.శ్రిత శ్రీగు
ప్రణవ విలసిత! బుధసుత! శ
మనుఁడ ! మధుర కవి! నిజ కృతిమధుమయ! వసుధన్
జెనక యితడి కెవరన, విని,
కనలి, కవులు తడఁబడ, పరగ నెఱిఁగితివిలన్. 9.
గోపుర బంధము:- ( శ్రీ కరుఁడ! సుకవీ)
శ్రీమాన్ కమలా ధరునిని
ప్రేమన్ గడ దేర్చుహరిని .ప్రియ సుఫలదునిన్
ధీమతిని, సుకవి విలసిత
కామ పితన్ యీ కవీశుఁ గావం గొలుతున్! 10.
జ్ఞాన మనమున మహా ఘన! ధ్యాన వేనకు వేలుగ శిష్యుల ! 11.ద్విపద-మత్తకోకిల-కంద-గీత గర్భ సీసము:-
సుకవులు మహాత్ముడంచును ప్రకటితముగ
నీ సుచరిత పల్కగ విననే సుకవివి !
సహృదయుఁడవు. నిన్సకలార్థ చయము వలచు
సుచరితుఁడ! కనగ ననఘ! చోద్యము కద? 12.
క:-
సుకవులు మహాత్ముడంచును
ప్రకటితముగ నీ సుచరిత పల్కగ విననే!
సుకవివి! సహృదయుఁడవు. ని
న్సకలార్థ చయము వలచు సుచరితుఁడ! కనగన్!
వర శశి శేఖరా!పరమ భక్త శిఖామ
ణి! బ్రహ్మ తేజ! కానెదఁ గొలుపర
వర కవితన్ సదా కరుణ భావ భవోద్భ
వ క్రాంతి దర్శివై వరలనిమ్ము!
వర దశ కోల్పడెన్. వరలు భావ శరధృ
తి వ్రాసి, గొల్పు, ప్రాలోచిత గురు
తర కవివై! సమాసగుణ దార్ఢ్య కవిత్వ
ము శ్రావ్య మౌనుగా! బుధ జన నుత!
గీ :-
సతము సభల నడుమ సహజత నిలుపుచు
రుచిర కవిత లమర రుచుల చెలఁగగను.
పలుకు పలుకుదువట! ప్రవరుల మదిఁగొన
పలుకులమ్మ చేతి చిలుక పలుకునటుల . 13.
సీస గర్భస్థ చంపకమాల:-
వర శశి శేఖరా!పరమ భక్త శిఖామణి! బ్రహ్మ తేజ! కా
వర కవితన్ సదా కరుణ భావ భవోద్భవ క్రాంతి దర్శివై!
వర దశ కోల్పడెన్. వరలు భావ శరధృతి వ్రాసి గొల్పు, ప్రా
తర కవివై! సమాస గుణ దార్ఢ్య కవిత్వము శ్రావ్యమౌనుగా!
సీస గర్భస్థ కందము:-
శశి శేఖరా!పరమ భ
క్త శిఖామణి! బ్రహ్మ తేజ! కావర కవితన్.
దశ కోల్పడెన్. వరలు భా
వ శరధృతి వ్రాసి గొల్పు, ప్రాతర కవివై!
సీస గర్భస్థ గీతము:-
పరమ భక్త శిఖామణి! బ్రహ్మ తేజ!
కరుణ భావ భవోద్భవ క్రాంతి దర్శి!
వరలు భావ శరధృతి వ్రాసి గొల్పు,
సగుణదార్ఢ్య కవిత్వము శ్రావ్యమౌను.
సీసాంతమునగల గీత గర్భస్థ ఆటవెలది. :-
సతము సభల నడుమ సహజత నిలుపుచు
రుచిర కవిత లమర రుచుల చెలఁగ.
పలుకు పలుకుదువట! ప్రవరుల మదిఁగొన
పలుకులమ్మ చేతి చిలుక పలుకు.
తరళము:-
తెలుగు పండిత వృత్తి చేకొని దిక్షతో నట చెప్పుచున్
సులభ రీతిని పద్యముల్ రచియించు మార్గము తెల్పితే!
కలలు గన్న కవీశ్వరాకృతిగా ముదంబున నిల్చి మీ
కలల రూపగు పిల్లలన్ కనికార మొప్పగ చూచితే! 14
చింతా రామ కృష్ణా రావు.13 . 8 .2011.
No comments:
Post a Comment